Tuesday, July 19, 2011

Nagih Janji Campursari Lirik

Kelingan rikolo urip bebarengan
Bungah susah kabeh ra dadi alangan
senadyan sedino mung mangan sepisan
Ati seneng anggone urip Bebrayan

Nanging saiki uripmu wes mukti
Banjur lali rikolo jaman semono
Mangan enak, turu penak, kerjo penak
Njur lali marang aku sing ngrumat anak

Tego tenan sliramu marang awakku
Mbok tinggal lungo suwe opo karepmu
Saiki tak tagih sing dadi janjimu
Lali aku ojo lali anakmu

Anakmu saiki wes gede-gede
Pengen nyuwun pirso sopo to bapak e
Udan tangis atiku tambah nelongso
Neng atiku mung soyo mbok sio-sio

Yo ngerti wes suwe anggonku lungo
Nggonku urip ngadu nasip ono kutho
Aku ninggal anak bojo lan wong tuo
Urip neng ndeso tansah keloro-loro

Pancen saiki uripku wes mukti
Nanging ojo mbok anggep aku wes lali
Jroning ati mung tansah ono sliramu
Luwih-luwih dadi sumpah jroning atiku

Pancen wes dadi sumpah jroning atiku
Yen durung biso keturutan karepku
Aku ra bakal lali mring wekasanmu
Mung tak jaluk sabar ngenteni tekaku

Yen anakmu takon sopo Bapak e
Kui kabeh ngono wes ono tenger e
Kandanono  aku sek nyambut gawe
Nggo mulyakne awakmu kelawan kowe

*nggo mulyakne awakmu kelawan kowe